नयाँ गीत ‘बा’ सार्वजनिक, वरिष्ठ कलाकार प्रकाश घिमिरेको भावनात्मक अभिनय

तेज डुम्रेल
दिपायल डोटी
पारिवारिक सम्वेदनामा आधारित नयाँ गीत ‘बा’ सार्वजनिक गरिएको छ। बुबाप्रतिको सम्मान, माया र जीवनका यथार्थ भावनालाई प्रस्तुत गर्ने यस गीतले दर्शक र श्रोतामाझ गहिरो प्रभाव पार्ने अपेक्षा गरिएको छ ।
गीतको भिडियोमा नेपाली चलचित्र तथा रंगमञ्चका वरिष्ठ कलाकार प्रकाश घिमिरेले दमदार अभिनय प्रस्तुत गरेका छन्। पाँच दशकभन्दा बढी समयदेखि अभिनय क्षेत्रमा सक्रिय घिमिरेले यस गीतमा पनि आफ्नै विशिष्ट शैलीमा भावनात्मक र यथार्थपरक अभिनय गरेका छन्। उनको अभिनयले गीतको कथालाई अझ गहिरो र प्रभावशाली बनाएको छ ।
भिडियोमा घिमिरेसँगै सबिन गायक र रियांश सुवेदीको पनि आकर्षक अभिनय देख्न सकिन्छ। उनीहरूले पारिवारिक सम्बन्ध र भावनात्मक पक्षलाई सजीव रूपमा प्रस्तुत गरेका छन्।
गीतमा विकास लिम्बुको स्वर रहेको छ भने, लेखु सहयात्रीले संगीत दिएका छन्। नविन कुमार शाहीका शब्दहरूले पारिवारिक बन्धन र बुबाप्रतिको सम्मानलाई गहिरो भावनाका साथ उतारेका छन्।
संगीत संयोजन विषम आचार्यले गरेका छन्। गिटार र बन्जोमा विकास सुनार, बाँसुरीमा रत्न बी.के., मिक्सिङ र मास्टरिङमा किशोर थापाको योगदान रहेको छ। गीतको रेकर्डिङ A One Music Studio मा गरिएको हो।
भिडियोको निर्देशन भरत छन्त्यालले गरेका छन् भने सिनेमाटोग्राफी, सम्पादन, र रंग संयोजन नेत्र गुरुङको रहेको छ। प्रोडक्सन म्यानेजरमा आशिष पुन र कर्मन घर्ती मगर, प्रकाश व्यवस्थापनमा मनोज दास र दिपक परियार, मेकअपमा ललिता घिमिरे, फोटोग्राफीमा ससक सुनार, ट्रान्सपोर्टेसनमा अनिल गायक, र पब्लिसिटी डिजाइनमा स्वोपु क्रिएसनले जिम्मेवारी सम्हालेका छन्।
‘बा’ गीतले बुबाको त्याग, माया र पारिवारिक सम्बन्धको गहिरो मूल्यबोध गराउने उद्देश्य लिएको छ। गीत अहिले nabinkshahi युट्युब च्यानलसहित सबै डिजिटल प्लेटफर्महरूमा उपलब्ध छ।